Հյուրերի համար տարածքը նախագծված է որպես պորտալներով բաժանված ազատ տարածություն, որը միավորում էր միջանցքը, հյուրասենյակը և ճաշասենյակը, որի կողքին խոհանոցն է։ Հյուրասենյակը հանգստի սենյակն է․ այստեղ տեղակայված է բազմոց, բազկաթոռներ և ցածր սուրճի սեղանիկ, իսկ ճաշասենյակում կա ութ անձի համար նախատեսված մեծ ճաշասեղան։ Խոհանոցի տարածքը ներառում է մեծ քանակությամբ պահարաններ, ողջ անհրաժեշտ խոհանոցային տեխնիկան տեղավորելու տարածք, ինչպես նաև առանձին ճաշասեղան հինգ անձի համար։ Հյուրերի տարածքին կից միջանցքն է հանդերձասենյակով և հյուրերի սանհանգույցով, որը գտնվում է ընդհանուր սրահի կողքին:

Ննջասենյակը, ուր տանում է փոքր միջանցքը, միավորում է երեք առանձին տարածք՝ գլխավոր ննջասենյակ առանձին հանդերձասենյակով և մեծ առանձին բաղնիք՝ ցնցուղով և լոգարանով, փոքր ննջասենյակ և երրորդ սանհանգույցը՝ ցնցուղով։

Բնակարանում թեթև դասական ինտերիեր ստեղծելու խնդիրը լուծելու համար ընտրվել է կահույքի և դեկորատիվ հարդարման առարկաների կիրառումը բաց երանգներով և մաքուր ավանդական տեքստուրաների գերակշռումը։ Որպես հատակի ծածկ ընտրվել է փայտը՝ դասական ֆրանսիական եղևնու նախշով և բնական մարմար, պատերը պատված են պաստելային գույներով դասական նախշերով պաստառով (ընդհանուր տարածքներում օգտագործվում է ֆլիզիլին, ննշասենյակներում՝ տեքստիլ), իսկ լուսավորության պարագաները համատեղում են ժամանակակից տարրերն ու թեթև դասական ձևը։ Բացի այդ, ինտերիերում օգտագործվել են երկու ճենապակյա ջահեր՝ ճաշասենյակի մեծ ճաշասեղանի վերևում և հյուրասենյակում տեղադրելու համար, իսկ ողջ անհրաժեշտ կահույքն ընտրվել է որոշված ոճին համապատասխան (ինտերիերում և հարդարման համար օգտագործվել են առարկաներ ու նյութեր բացառապես իտալական և ֆրանսիական արտադրողներից):