Խոհանոցին կից գտնվող ճաշասրահը կատարված է ժամանակակից ոճով, բայց հին կոմոդի և ճենապակե ջահի շնորհիվ տեղափոխվում ենք անհոգ 70-ականների ժամանակաշրջան, ինչն ընդգծվում է ընտրված ձևավորմամբ ու փայտե դետալների գերիշխմամբ, ներառյալ ֆրանսիական փայտե եղևնաշար մանրահատակը: Սուրճի գոտին համալրված է 80-ականներին բնորոշ երկու բազկաթոռներով, ինչպես նաև ներկառուցված կահույքով ու դարակաշարով, որոնք տեղակայված են գրքերով և լուսանկարներով: Ապակեպատ պատուհանները ապահովում են խոհանոցի և ճաշասենյակի բնական լուսավորությունը, ինչը խոշոր ապակեպատ դռների շնորհիվ հնարավոր է թե՛ բաց, թե՛ փակ վիճակում:

Հյուրասենյակը ձևավորված է 2000-ականների ժամանակակից ոճով, ինչը լրացված է տեքստիլ պաստառներով և հարավային Եվրոպայից բերված իրերով՝ ստեղծելով հանգիստ, բայց դինամիկ մթնոլորտ: Ընդհանուր հանգստությունն ու ոճային ներդաշնակությունն ընդգծում է ավելի պայծառ սանհանգույցը, որը ոգեշնչված է ար-դեկո ոճով՝ խճանկարային հատակով և հակադրվող տարրերով, բայց ընտրված գունային լուծումների շնորհիվ լրացնում է ինտերիերի ընդհանուր էկլեկտիկան:

Բնակարանի անձնական հատվածը ձևավորված է ավելի հանգիստ ոճով: Գլխավոր ննջասենյակը կատարված է նեոկլասիկ ոճով՝ լրացված էթնիկ մոտիվներով՝ ինչպես, օրինակ, մետաքսե եռապատկերով, որը շրջանակված է դասական մոլդինգներով: Լոգասենյակը ավելի չեզոք է, բայց միաժամանակ լիովին ներդաշնակ է բնակարանի և ննջասենյակի ընդհանուր ոճին՝ գունային և տեքստուրային ընտրությունների շնորհիվ: Երկրորդ ննջասենյակը, նախատեսված ծնողների համար, ունի իր առանձին լոգարանը և կատարաված է հանգիստ երանգներով՝ ռետրո ոճի և ժամանակակից մոտեցումների միջև հավասարակշռված:

Այս նախագծի մշակման ընթացքում մեծ ուշադրություն է դարձվել բնակարանի կլիմային և հարմարավետությանը: Ինտերիերը առավելագույնս օգտագործում է բնական լուսավորության հնարավորությունները, ինչպես նաև ունի հյուրասենյակում և երկու ննջասենյակներում պատշգամբներ: Կիրառվել է օդափոխման և հովացման խողովակային համակարգ՝ առանց տեսանելի ներքին բլոկների, ինչը թույլ է տվել պահպանել ոճային ամբողջականությունը՝ առանց զիջելու բնակարանի բարձր հարմարավետությունն ու տեխնիկական հագեցվածությունը: